Reided 9
Back ] Up ] Next ]

 

 

PLED E SPOT

Pled duton lü natäl menik. Bäldot alik e yelasäsun alik labons pledis patik oksik.

Jipulils bunädofs, pledofs bleinanipledi u klänedapledi, ab buiküno pledofs tajedapledi.

Hipuls glöpiloms e tupitoms, daivüloms e rifedoms u semikna kastaenitaflapoms. If flenädans mödik binons kobo, pledam jenon ko binäl lölik onas.

Pöpapleds vönädik lailifons in tops semik. Spot stadon su nivät löpik e binon vemo pöpedik.

Tur diseinon ad vedükön koapi blegüloviki ä sauniki.

Kösömiko komot alik labon spotöpi e spotaklubi okikis. Bu val bo futaglöpäd paplägon. Hijulans, studans, vobans - valans futaglöpädoms e mäts jenons dü säsun lölik.

Ün nifüp pledoy gladahokiyi tio leigoso lanäliko.

In stadions e spotöps zifas gretikum, i mäts jenons in spots valemik: vifagol, fagotabunam, geilotabunam e bunstafabunam, spedijedam, glöbijedam e diskudijedam.

Svimakan labon vönaoloveikodis vönädik.

In län lölik svimaklubs dabinons, kels labons bligädi ad födön svimakani e ad noganükön jonedis.

Nifüpaspot labülon pladi veütik in lif nolüdänans. Sosus glun u fel petegon me nif, cils slifavabons u slifons me sliföms votik.

- - - - - - - - - - - - - - - - - - - - - - - - - -

 

 

bäldot

age

kastaenitaflapön

to play ‘conkers’

bleinanipled

blind man’s buff

komot

a community

bunädön

to skip

lanäliko

enthusiastically

bunstafabunam

(the) pole vault

nivät

a level

daivülön

to somersault

pled

a game

diskudijedam

throwing discus

rifedön

to play with hoop

fagotabunam

the long jump

sket

a skate

futaglöpäd

football

skiyam

skiing

geilotabunam

the high jump

slifavabön

to toboggan

gladahokiy

ice hockey

spedijedam

throwing javelin

glöbijedam

the shot-put

stadion

a stadium

glöpilön

to play marbles

tajedapled

bouncing a ball

joned

a demonstration

tupitön

whip and top

kan

a skill

vönaoloveikod

a tradition